ANAA na sa 24,541 ka mga bata nag-edad og 12-17 years old ang nabakunahan na sa CDO LGU sugod niadtong Oktubre 29 basi sa taho ni Dr Ted Yu Jr kagahapo’ng adlawa.
Matud ni Dr Ted Yu, mokabat sa 31,603 ka mga kabataan ang naka pre-register na pinaagi sa online registration ug adunay natala nga 1,563 ka mga bata nga adunay co-morbidities diin mahimo lamang silang mabakunahan sa hospital nga gitugot nga mahimo’ng vaccination site.
Subay niini, padayo’ng nanawagan ang CDO LGU ubos ni Mayor Oscar Moreno sa mga ginikanan o guardian sa mga kabataan nga wala pa naka-pre register online sa pag-avail sa libre’ng bakuna batok COVID 19. (ACM/CIO)