SUBLING giklaro ni City Mayor Oscar S. Moreno nga dawaton sa tanang LGU-CDO managed vaccination sites ang si bisan kinsa, Kagay-anon man o dili nga buot magpabakuna aron maproteksyonan batok sa sakit nga COVID-19.

Sa data sa City Health Insurance Office, 518,518 ka mga residente sa syudad ang target sa herd immunity, diin anaa na sa 105% ang natupokan sa first dose ug 85% na usab ang fully vaccinated.

Hugot ang pagtuo ni Mayor Moreno nga angayan lamang nga dili balibaran ang mga ‘non-CdeO residents’ nga buot magpabakuna og first dose, second dose ug booster shot dinhi sa dakbayan.

Subay sa report as of January 3, mokabat na sa 3,746 ‘non-CdeO residents’ ang nabakunahan sa CDO vaccination team. (AGP/CIO)