Friday, 07 January 2022 01:24

Online pre-registration sa pediatric age 5-11, gilusad sa LGU-CDO

Written by
GILUSAD kagahapon, Enero 6, 2022 sa COVID-19 vaccination team sa LGU-CDO ang ‘online pre-registration’ alang sa pagpamakuna sa mga bata nga nag-edad 5-11 anyos.
 
Giklaro ni Dr. William Bernardo, Acting City Health Officer, nga ang online pre-registration lang ang gisugdan apan ang mismong vaccine rollout wala pa, sanglit naghulat pa sa gabayan gikan sa Department of Health ug wala pa usab available nga bakuna alang sa maong grupo.
 
Sa mga ginikinan o guardian nga buot magparehistro sa 5-11 years old sa COVID-19 vaccination, bisita lang sa https://services.cagayandeoro.gov.ph:8087/vaccprereg/ ug pilia ang category E1.0 sa bata nga walay gihambin nga sakit o comorbidity ug E1.1 alang sa bata nga adunay comorbidity. (AGP/CIO)