GIPASIDUNGGAN sa Department of Health -10 ang lokal nga kagamhanan isip usa sa mga awardees sa 2021 Regional Star Awards for Regulated Health Facilities in Northern Mindanao niadtong Enero 6 ning tuig pinaagi sa usa ka virtual awarding ceremony.

 

Ang maong pasidungog gitanyag alang sa mga lokal nga kagamhanan nga malampusong nagdumala sa mga temporary treatment and monitoring facilities ug isolation units nga certified sa Department of Health.

Kahinumduman nga pinaagi sa abtik nga Covid-response efforts sa LGU-CDO, mikabat sa 40 ka mga TTMF/CIUs ang nahatagan og certification sa DOH lakip usab sa accreditation sa PhilHealth.

 

Saksi sa pagdawat sa maong pasidungog ang mga kadagkuan sa City Health Office, City Health Insurance Office, J.R. Borja General Hospital, ug uban pang mga buhatan sa City Hall kinsa maoy nagpaluyo sa pagpadagan sa mga CIU ug TTMF sa dakbayan. (SPP)