Tuesday, 11 January 2022 02:01

Giingong kakulangon sa supply sa paracetamol, gisuta sa CPCC

Written by
 
USA ka emergency meeting ang gipahigayon sa Cagayan de Oro City Price Coordinating Council (CDO-CPCC) aron pagsuta sa giingong kakulangon sa supply sa paracetamol diha sa mga pharmacy ug drugstores ning syudad.
Misalmot sa maong virtual meeting ang mga kadagkuan sa Department of Trade and Industry, Department of Health, Misamis Oriental Pharmacies Associations, Food and Drug Administration, lakip usab si City Councilor George Goking ug Atty. Jose Edgardo Uy, ang co-chair sa CPCC.
 
May be an image of 6 people, screen and text that says 'ZoomMeeting .oom Misamis H Participants (9) Find participant DTLMOR (Host, Ruth Jose Edgardo Uy Salvador Almer Masillones dith Loule Alaba dith George Goking Marycel Cuarteros Margie Macas MC Marycel Cuarteros MarycelCuarteros Ruth Sybil Salvador Errol Louie C. AI... MargieMacas 山 ErrolLoule Alaba End Invite Mute'
 
 
Atol sa meeting, gipasabot sa mga otoridad nga dili kinahanglan mabalaka kay bisan pa man og adunay kakulangon sa duha ka brand sa paracetamol, apan aduna pa gihapon insaktong supply sa laing brand ug generic nga paracetamol diha sa mga pharmacy.
 
Nasabutan nga adunay ipahigayon nga actual monitoring sa mga presyo ug supply sa maong tambal ug gisugyot ang paghangyo sa mga botika nga mag-post sa ilang establisemento sa mga brands o’ klase sa paracetamol nga available aron magiyahan ang mga konsumante. (SPP)