WALAY puas nga suporta ang nadawat sa JR Borja General Hospital pinaagi sa mga donasyon nga ilang nadawat gikan sa Aquarius ‘79 Helping Hands.

 

 

Kini gilangkoban sa nagkadaiyang personal protective equipment alang sa mga EREID frontliners, lakip ang 200 head covers, 100 face shields ug 200 N95 masks nga gitunol niadtong Disyembre 29 sa miaging tuig.

Ang donasyon gisundan niadtong Enero 5 ning tuig nga gilakipan sa 200 N95 face masks, 200 head covers ug 99 face shields.

 

 

 

Samtang kagahapon, Enero 12, laing 400 head covers ug 200 N95 masks  ang nadawat sa ospital gikan sa maong grupo.

 

Gawas sa Aquarius ‘79 Helping Hands, nalipay usab ang mga staff human nakadawat og duha ka karton nga shakoy ug tulo ka karton nga baked siopao gikan ni Irene De Lara Tolentino. (NLB/CIO)

 

.