IPAILAWOM na sa Alert Level 3 status ang dakbayan sa Cagayan de Oro sugod karong Biyernes, Enero 14 hangtod 31 basi sa gipagawas nga IATF Resolution No. 156-C tungod sa pagsaka sa mga kaso sa Covid-19 dinhi sa syudad.

Ubos sa Alert Level 3, gihugtan pa ang mga gabayan nga ipatuman ngadto sa mga establisemento ug kalihukan, diin mas gi-ubsan ang gitugotan nga maximum capacity ug aduna usab temporary closure nga ipatuman sa pipila ka mga establisemento.

 

Usa sa mga dakong kabag-ohan sa Alert Level 3 status ang pag-ubos sa 70% maximum capacity sa outdoor venues nga gihimo nang 50%, ug ang 50% maximum capacity sa indoor venues nga gihimong 30% na lang.

Subling gibawal ang mga peryahan, funfairs, casinos, contact sports, face-to-face classes sa basic education, karaoke bars, clubs, concert halls, cockpits/cockfighting, ug social gatherings sa mga indibidwal nga dili sakop sa usa ka household.

 

 

 

Gipahinumduman ang publiko nga istriktong mosunod sa maong mga gabayan sa nasyonal ug lokal nga kagamhanan aron dili mapahamtangan sa mga otoridad sa silot o kaha multa. (SPP)