JUST IN.

KAMULO nga gipahigayon ang 'water flushing' diha sa tibuok kadalanan sa Capistrano Street ning dakbayan arun masugdan sa dili madugay ang pag- 'disinfection'.

Pinaagi kini sa hugot nga pagpaningkamot sa lokal nga kagamhanan sa Cagayan de Oro nga mahunong ang pagkuyanap sa 'Corona Virus Disease'.

Mga miyembro sa Oro Rescue ang nangunay sa paghinlo sa kadalanan isip usa sa mga 'extraordinary precautionary measures' nga gimando ni Mayor Oscar Moreno.

Kini ang ikaduha nga higayon sa 'disinfection' dinhi sa dakbayan gikan adtong Huwebes sa gabii nga gipahigayon diha sa Divisoria ug padayon kining ipahigayon sa mga mosunod pa nga mga adlaw.

Hugot nga gihangyo ang katawhan nga mokooperar sa mga lakang sa dakbayan batok COVID-19 arun mawagtang na kini ug masiguro ang himsog ug piskay nga panlawas sa kinatibuk-an sa syudad

(By Spencer Palen | Photos by Aicy Soriano)