GIPAHIGAYON bag-ohay lang ang usa ka joint monitoring and inspection sa mga gasoline stations nunot sa pagsaka sa presyo sa gasolina ug uban pang mga produkto dinhi sa dakbayan.
Ang maong kalihukan gipangulohan sa Cagayan de Oro City Price Coordinating Council, kauban ang Department of Trade and Industry – Misamis Oriental, Department of Energy Mindanao Field Office ug Bureau of Fire CDO.
Atol sa pagbisita sa mga petroleum ug LPG retailers, gisuta ang mga presyo sa mga produkto ug lakip usab ang mga certifications, rehistro, product standards ug required weight sa mga LPG ug appropriate quantity dispensed fuel per liter alang sa mga petroleum products aron masayran kung misubay ba kini sa gabayan nga gipatuman sa mga ahensya sa gobyerno.
Human sa joint monitoring activity, gipahigayon ang usa ka press briefing nga gisalmutan ni Kag. George Goking, Atty. Jose Edgardo Uy sa CPCC, mga kadagkuan sa DTI, DOE ug BFP aron mahatagan og tubag ang mga pangutana sa katawhan mahitungod sa pagsaka sa presyo sa petroleum ug LPG products. (SPP/Photos from CPCC FB page)