GIPASIDUNGGAN sa LGU-CDO ang mga mananaug sa ‘3rd Search for Most PWD-Friendly Barangay’, Marso 8 diha sa Mallberry Suites Hotel ning siyudad.

Sa kategoryang named barangays, naangkon sa Barangay Camaman-an ang ‘Most PWD-Friendly Barangay’, plaque of recognition ug cash prize nga balor og P50,000.

Samtang nasakmit sa Barangay Cugman ang 2nd place, plaque of recognition ug cash prize nga P40,000; ug nakuha sa Barangay Bulua ang 3rd place, plaque of recognition ug cash prize nga P30,000.

Sa numbered barangays, nakuha sa Barangay 14 ang 1st place ug P50,000 cash prize, samtang 2nd placer usab ang Barangay 35 nga nakadawat og P40,000 cash prize.

Nakadawat usab og P10,000 cash prize ang mga mananaog sa matag engagement pillar. Kini mao ang:

 

Barangay Camaman-an - “Best in Pillar of Education”

“Best in Pillar of Social Protection”

“Best in Pillar of Infrastructure”

“Best in Pillar of Participation"

Barangay Iponan - “Best in Pillar of Health”

Barangay 14 - “Best in Pillar of Governance”

Barangay Lumbia - “Best PWD Organization”

 

 

Gawas niini, mihatag og dugang pahalipay nga salapi gikan ni Committee on Social Services Chairperson City Councilor Girlie Balaba alang sa mga mananaug sa numbered ug named barangay categories.

Mismo sila si City Councilor Balaba, Jay Roa-Pascual ug Edna Dahino; City Mayor's Office representative Ms. Imee Moreno; City Social Welfare and Development (CSWD) Executive Overseer Michael Christopher Fabello; CSWD Community and Social Development Division Head Joan Mae Acraman; Persons with Disabilities Affairs Office Head Maria Liza Corpuz ug Cagayan de Oro Federation of Persons with Disabilities Association Head Rolando Domaolao, ug CSWD PWD Section Focal Person Ma. Cheryl Gacita ang mitunol sa mga awards.

 

Ang ‘Search for the Most PWD-Friendly Barangay’ usa ka tinuig nga kalihokan sa syudad alayon sa tinguha nga madasig ang matag barangay pag-atiman sa sektor sa PWD, diin kini gipaluyohan sa Technical Working Group nga gilangkoban sa nagkadaiyang buhatan sa LGU-CDO uban sa suporta sa mga barangay. (NLB/CIO/Photos by Reynan Baylin and Aicy Soriano/CIO)