Nadugangan ang kahanas sa mga out-of-school youth kalabot sa food handling and preparation human nakompleto ang work immersion program sa Tita Mimi's Catering and Food Services ug Chicken Star - Puerto Branch, bag-ohay lamang, ning siyudad.

 

Ang work immersion program ubos sa pagpasiugda sa United States Agency for International Development (USAID) Opportunity 2.0 diin nagtinguha nga makatabang sa mga OSYs nga nag-edad og 15-24 anyos nga makapadayon sa pag-eskwela; makakita og trabaho ug makatukod og kaugalingong negosyo pinaagi sa leadership training, peer coaching, mentoring ug uban pa.

 

 

Ang USAID Opportunity 2.0 gipaluyohan usab sa Department of Education - Alternative Learning System; Technical Education and Skills Development Authority (TESDA), mga pribadong unibersidad ug colleges lakip ang pribadong sektor; Youth Development Alliance; LGUs ug national government agencies.

 

Alang sa dugang kasayuran, mahimong mobisita sa USAID Opportunity 2.0 fb page (NLB/CIO).