GIHANGYO ni Acting City Health Officer Dr. William Bernardo kadtong nag-edad 12 anyos pataas nga dili gayud pakyason ang kahigayonan nga magpabakuna aron dugang proteksyon sa kaugalingon ang maangkon batok sa sakit nga COVID-19.

Kini bisan pa man gilusad na usab sa syudad ang ‘house-to-house’ vaccination diha sa Barangay Bonbon, Camaman-an ug Macabalan sugod Marso 17 hangtud Marso 18 ning tuig.

 

 

Ang ‘house to house’ nga pamaagi sa pagpamakuna usa lang sa bag-ong mga istratehiya sa CDO COVID-19 vaccination team aron masubay mismo sa mga panimalay ang wala pa natupokan sa first dose, second dose ug booster shots.

 

Gawas sa house-to-house, mahimo usab nga dili na moadto sa mega vaccination sites sa mga malls ang 12 anyos pataas ug modalikyat na lamang sa pinakaduol nga health centers diha sa Barangay Carmen, Kauswagan, Lumbia, Canitoan, Bugo, Nazareth, Macasandig, Lapasan ug Tablon aron mabakunahan. (AGP/CIO/Photos by CDO Vax Team)