Gikatakdang ilusad sa City Social Welfare and Development unya alas 3:00 sa hapon ang 5-hectare ‘all-in-one village’ nga gitawag og “Oro Care Village” diha sa Maitum, Upper Puerto ning siyudad.

 

Ang kapin P500 milyones nga village mahimong dangpanan ug kapuy-an sa mga vulnerable sector sama sa napasagdan nga kabataan, abandonadong katigulangan, kababayen-an nga biktima sa pang-abuso ug uban pa.

Kini usab magsilbing learning hub kung asa maka-internship ang mga estudyante nga nagkuha sa kurso nga Social Work, Psychology, Education, Nursing ug Medicine.

 

Giimbitahan usab ang mga prospect partner private corporations ug uban pang organisasyon alang sa pagkompleto sa Oro Care Village uban usab sa tinguha nga matubag ang social problems sa siyudad ug maimbitahan ang komunidad aron mahimong kaabag sa community social responsibility. (NLB/CIO)