Thursday, 24 March 2022 03:17

LGU-CDO gipasidunggan sa DSWD 10 atol sa ‘Salamat Po Awards’

Written by
GIPASIDUNGGAN sa Department of Social Welfare and Development –Region 10 ang LGU-CDO isip usa sa mga awardees sa ‘Salamat Po Awards’ nunot sa ika-71 nga anibersaryo sa buhatan, Marso 23, diha sa DSWD 10 Field Office .
Ang maong pasidungog gipahinungod isip pasalamat sa mga kontribusyon ug suporta sa mga partners sa DSWD.
 
Si Dr. Jan Sherwin Samong sa City Health Office ang midawat sa maong plaque of appreciation isip representante ni Acting City Health Officer Dr. William Bernardo, uban ni CSWD Executive Overseer Michael Christopher Fabello.
 
Kahinumduman nga gi-atiman sa City Health Office ang mga personahe sa DSWD 10 human nataptan sa COVID-19, samtang ang City Social Welfare and Development ang mitabang usab aron magmalampuson ang pag-implementar sa Social Amelioration Program payout, ECQ Special Ayuda ug lain pang programa ning panahon sa pandemya. (NLB/CIO/Photos by Reynan Baylin/CIO).