Gihingusgan karon sa City Local Environment and Natural Resources Office (Clenro) ang pagduso sa “notice of violation” sa mga wala nagpatuman sa ‘No Segregation, No Collection Policy” pinasubay sa RA 9003 ug Solid Waste Management (SWM) ordinance ning syudad.

 

Matud ni Engr. Armen Cuenca, hepe sa Clenro, nga manubag ang mga barangay officials sa ilang kalapasan ngadto sa Department of Environment and Natural Resources – Environmental Management Bureau (DENR-EMD), ingon man sa Department of the Interior and Local Government (DLIG) sa higayon nga maduso na ang mga notice of violations.

 

Dugang ni Cuenca taas na nga panahon ang gihatag sa syudad sa kabarangayan sa pagpatuman sa SWM apan aduna pa gihapon mga barangay nga wala nisanong niini.

 

Kahinumdoman nga gisugdan na sa Clenro ang “no segregation, no collection policy” niadtong Mayo 1 human nakigtagbo ang kagamhanang lokal sa mga opisyales sa barangay kalabot niini. (ACM/CIO File Photos)