Alang sa hapsay nga pagpatuman sa drug-free workplace sa tanang opisyales ug empleyado sa city hall, nagpahigayon og tigom ang City Anti-Drug Abuse Council (CADAC) uban sa mga representante sa Philippine Drug Enforcement Agency (PDEA-10), Department of Interior and Local Government (DILG), Cagayan de Oro City Police Office (COCPO), mga doktor gikan sa City Health Office (CHO), City Community Affairs Department, ug Human Resource Management Office (HRMO).

 

Gipresentar sa maong tigom ang drug-free workplace nga mga palisiya sa syudad, ingon man subli usab nga gitan-aw ang memorandum og agreement tali sa PDEA ug LGU-CDO.

 

Gihingusgan sa syudad ubos sa administrasyon ni Mayor Rolando `Klarex’ Uy pinaagi sa CADAC nga ipatuman ang drug-free workplace sa tanang opisyal ug empleyado sa city hall.

 

Naglaum si Dr. Rhyselle Bernadette Melliza-Descallar, head sa CADAD-Oro Wellness Center, nga mapatuman na kini sa hingpit sa city hall alang sa mas luwas nga workplace. (ALR/CIO/Photos from CADAD-Oro Wellness Center)