Nahimong ‘Most Outstanding Fire Station’ ang Fire Station 6 Kauswagan samtang first runner up ang Fire Station 3 Carmen ug second runner up ang Fire Station 5 Macabalan atol sa ‘Dilaab: Araw ng Parangal’, Mayo 2, diha sa Limketkai Center, ning siyudad.

 

Midawat usab og special awards ang Fire Station 6 Kauswagan (Best Internal Operations, Best Linkages and Partnerships, Best Fire Prevention Initiatives ug Best Community-based project); Fire Station 3 Carmen (Best Suppression Strategies ug Best Record Keeping and Documentation), ug Fire Station 5 Macabalan (Best Enforcement Mechanism).

 

Mismo si Oro Youth Development Officer Lord Saver 'Vhaugne' Centina; City Administrator Roy Hilario Raagas, kinsa mirepresentar ni Mayor Klarex Uy; Bureau of Fire Protection (BFP) X representative SSUPT Richie Fabre; Cagayan de Oro Fire District SINSP Kyle Lauzon; City Department of Interior and Local Government (DILG) Director Engr. Jane J. Docallos; Committee on Peace and Order Chairperson City Councilor Romeo Calizo ug Sangguniang Kabataan Federation President Kenneth John Sacala ang mitunol sa mga awards.

 

Ang ‘Search for Most Outstanding Fire Station’ inisyatiba sa LGU-CDO pinaagi sa Oro Youth Development Office, inabagan sa BFP X, Fire District Office ug uban pang partner agencies.

(NLB/CIO/photos by Kim Zaldivar/CIO)