NAGKADAIYANG mga serbisyo ang libreng napahimuslan sa mga katawhan sa barangay Tumpagon atol sa gipahigayon nga ‘Klarex nga Serbisyo sa Baryo’, Mayo 3 ning tuig.

 

Dakong kalipay ug pasalamat ni Tumpagon Kapitan Cecilio Dagsaan kang Mayor Rolando ‘Klarex’ Uy sa pagbalik sa KSB sa Tumpagon aron paghatod sa batakang serbisyo sa nagkadaiyang buhatan sa city hall.

 

Lakip sa mga serbisyo ang paghatag sa City Health Insurance Office kauban ang PhilHealth Region 10 og member data record (MDRs) ug PhilHealth identification cards sa 118 ka mga molupyo sa barangay.

 

Samtang 50 ka mga residente usab ang nakapahimulos sa libreng a lot ug 48 ang nakatagamtam sa libreng masahe nga gitanyag sa Community Improvement Division. (AGP/Photos by Rod Constantino/CIO & Dhor Marie Ladao/CID)