BUKAS na usab ang pagpamakuna sa JR Borja General Hospital sa tanang edad nga buot magpabakuna batok COVID 19 karong Biyernes, Abril 22 sugod alas 8:00 sa buntag hangtud alas 4:00 sa hapon.

Basi sa gipagawas nga impormasyon sa JRBGH, modawat ang hospital niadtong adunay co-morbidities o mga balatian ug bisan kadtong mga himsog usab.

Ang vaccination roll-out sa JRBGH ipahigayon matag adlaw’ng Biyernes, samtang kutob ra sa alas 3:00 sa hapon ang pagpanglista ug pagdawat sa mga magpabakuna alang sa 5-11 years old ug 12-17 years old nga modawat sa 1st ug 2nd dose; adults ug senior citizens nga mag-1st, 2nd ug booster shots.

Gihangyo usab ang mga kabataan nga naka-online register nga isulat lamang ang reference number ug magdala sa mosunod nga dokumento: ID sa ginikanan/guardian ug sa bata (kung walay ID ang bata pwede ang birth certificate); medical certificate kung adunay co-morbidity; authorization letter gikan sa ginikanan kung guardian lamang ang mouban sa bata.

Ug alang sa mga adult ug senior citizens nga modawat sa second dose ug booster shot, magdala lamang sa ilang vaccination cards. (ACM/CIO)