MAGPABILI’NG ‘status quo’ ang adlaw-adlaw nga operasyon sa City Hall basi sa kamandoan nga gipirmahan ni Mayor Klarex Uy kagahapong adlawa, Hulyo 4, 2022.

Kini subay sa tinguha sa mayor nga dili maapektohan ug hapsay ang pagtunol sa batakang serbisyo ngadto sa katawhan ning syudad.

 

Nalatid sa Memorandum No. 0021-22 nga tanang dili co-terminus nga mga empleyado magpabilin sa ilang kasamtangang posisyon hangtud Hulyo 31, 2022, gawas kon wala sila gipapahawa o’ gi-terminate sa buhatan sa mayor.

Mipagula usab og kamandoan si Mayor Klarex nga kinahanglan mobalik una sa ilang mother unit o’ buhatan diin sila nahisakop ang tanang mga empleyado nga casual ug job order.

 

Lakip sa kamandoan ni Mayor Klarex nga magpabilin ang mga heads of office kung asa sila nadestino sa laing opisina aron magpadayon ang pagpatuman sa mga programa. (ACM/Photos by Isabelle Czarina Soriano/CIO)