NAGMADAUGON ang Job Placement Bureau – Public Employment Service Office sa dakbayan sa Cagayan de Oro isip regional winner sa ‘Secretary’s Bayanihan Service Awards II’ ubos sa highly urbanized city category nga gitanyag sa Department of Labor and Employment niadtong Hulyo 4.

 

 

Nasakmit sa PESO – LGU Cagayan de Oro ang maong pasidungog tungod sa dakong kalampusan niini sa pagpatuman sa mga programa sa livelihood ug employment taliwala sa pandemya, paghan-ay sa ‘Referral and Job Vacancy Solicitation’ ug pagpasiugda og ‘Humanitarian Services’ alang sa mga nanginahanglan nga empleyado.

 

Tungod sa dakong kadaugan sa LGU-CDO, nahimong national finalist ang Cagayan de Oro, diin masayran ang mga mananaog sa national level atol sa 22nd National PESO Congress karong umaabot bulan sa Oktubre ning tuig.

 

Mapasalamaton si PESO Manager Kathleen Kate Sorilla sa suporta sa lokal nga kagamhanan hilabina kang Kagawad Girlie Balaba, Committee Chair sa Labor and Employment; ug Kagawad Suzette Magtajas-Daba, Committee Chair sa Education sa 19th City Council ug sa padayon nga suporta sa kasamtangang administrasyon ni Mayor Klarex. (SPP/CIO)