GIAWHAG ang katawhan sa Barangay Tumpagon ning syudad nga mosalmot sa ipahigayon nga profiling ug updating sa mga Philhealth beneficiaries alang sa Universal Health Care Program karong Hulyo 8, adlaw’ng Biyernes.

Kini pasiugdahan sa kagamhanang lokal sa Cagayan de Oro pinaagi sa City Health Insurance Office, diin nag-unang tumong niini nga mapahapsay ang database sa matag barangay.

 

Gawas sa profiling sa CHIO, anaa usab ang ubang mga buhatan sa gobyerno aron pagtunol sa serbisyo ngadto sa katawhan sama sa Philhealth Region 10, City Health Office, Civil Registry ug City Social Welfare and Development.

Anaa usab ang Philippine Statistics Authority aron pag-atiman sa mga residente nga gustong mag-apply sa national ID.

Sa laing bahin, ipahigayon usab ang profiling diha sa barangay Lumbia karong Hulyo 15; Balubal, Hulyo 22; ug Upper Balulang, Hulyo 29. (AGP/CIO/Photos from CHIO)