LIBRENG counseling ug uban pang mental health interventions ang nag-unang serbisyo nga gitunol sa City Social Welfare and Development Psychosocial Division ning syudad.

Ang buhatan matawagan sa ilang mental helpline sa numero: 0975-8403-585, ug bukas kini Lunes hangtud Biyernes, alas-8:00 sa buntag hangtud ala-5:00 sa hapon.

 

Kahinumduman gipalabang sa konseho ang Ordinance 2022-1 kon "Mental Health Code", niadtong Hunyo 6, atol sa ika-136 nga regular session sa 19th city council, diin mismo si City Councilor Dra. Malou Gaane; City Councilor Girlie Balaba ug Vice Mayor Bebot Rodriguez ang nagduso niini sa konseho.

Kini sa tuyo nga mapalapdan ang serbisyo sa siyudad sa natad sa mental health aron makab-ot ang tinguha niini nga mahimong 'Mental Health Friendly City', ug mahunong ang ‘stigma’ nga masinati niadtong aduna'y mental health concern. (NLB/CIO).