Giaghat ni City Mayor Rolando ‘Klarex’ Uy ang tibook burokrasya sa city hall ug 20th City Council nga padayonon ang nasugdan ni kanhi mayor Oscar Moreno alang sa kaayohan ug kabulahanan sa katawhan sa Cagayan de Oro.

‘Wala ako nangandoy nga hilabwan nako siya og hitupngan. Ang ako lang pangandoy nga matagaan ko og kahigayonan nga magmalampuson sa akong pagpangalagad kaninyo, ilabina ang mga kabus,” matud pa ni Mayor Klarex atol sa flagraising niadtong Lunes.

Kahinumduman nga masaligon si Moreno nga daghan ang makab-ot ni Mayor Klarex sa iyang administrasyon, ilabina kung duyogan ug suportahan kini sa mga Kagay-anon ug sa konseho ning syudad.

Partikular nga gihangyo ni Moreno kang Mayor Klarex ang katumanan sa Universal Health Care Act ug ang pagtutok sa resettlement program sa syudad. (IAF/CIO/photo by Aicy Soriano)