ANDAM na ang mga kandidata sa Miss Cagayan de Oro 2022 nga ipasundayag ang ilang mga abilidad ug talento atol sa Talent Competition nga ipahigayon sa SM Downtown Premier karong Hulyo 9, adlaw’ng Sabado sa alas 4:00 sa hapon.

Gilangkuban sa 15 ka mga kandidata gikan sa nagkalain-laing barangay ang magtigi sa Miss Cagayan de Oro 2022 nga ipahigayon sa umaabot bulan sa Agosto atol sa kasaulogan sa piyesta sa dakbayan.

 

Ang maong kalihukan gihingusgan sa Miss Cagayan de Oro Organization nga gipanguluhan ni Ms. Mags Cue ug gisuportahan sa lokal nga kagamhanan sa dakbayan isip usa sa mga core events sa ‘Higalaay Festival 2022’.

Giaghat ang katawhan nga mosaksi sa Miss Cagayan de Oro 2022 Talent Competition hilabina nga ‘face-to-face’ na ang maong kalihukan human giluwagan ang mga gabayan sa pandemya. (SPPalen/CIO)