NAANGKON sa Cluster 4 (Zone 8, 10, 11) ang P200,000 cash prize human nahimong kampeon sa Dinogan Festival Street Dancing Competition sa barangay Carmen ning syudad kagahapong adlawa, Hulyo 13.

Migula nga 1st placer ang Cluster 3 (Zone 9) ug naangkon ang ganting salapi nga P120,000, samtang nahakot sa Cluster 1 (Zone 1-4) ang P100,000 cash prize isip second placer.

 

Gipakyaw usab sa Cluster 4 ang mga special awards isip Best in Choreography, Most Discipline, Best in Musicality, Best in Costume, ug Best in Street Dancing.

Napili nga 'Festival King' ang Cluster 5 (Zone 12-13) samtang 'Festival Queen' ang Cluster 1 (Zone 1-4).

 

 

Gitambongan mismo ni Mayor Klarex Uy ang kalihokan, uban nila ni City Councilor Yan Lam S. Lim, George S. Goking, Imee Rose P. Moreno ug Jay Roa- Pascual, ug kanhi Vice Mayor Kikang Uy.

Ang Dinogan Festival usa ka tinuig nga kalihukan agi’g pahinungod sa kapistahan ni Nuestra Senora Del Carmen, ang patron sa barangay Carmen. (NLB/CIO/Photos by Aicy Soriano, April Lorenzana and Wowel Condeza/CMO)