WALO na ka mga boksidor sa Cagayan de Oro City amateur boxing team ang garantisado na nga makaangkon og bronze medals sa nagpadayong Palarong Pambansa Visayas-Mindanao Boxing Cup didto sa Cebu City.

Kini ang gibutyag ni Team CDO boxing head coach Elmer Pamisa ug city sports coordinator Jaymar Rivera human midaug sa ilang mga away sa quarterfinal round kagahapon ug lusot na sa semifinals sila si Jerome Cometa (48 kgs), Dryxz Roussel Sardalla (49 kgs), Abraham Burlat (52 kgs) ug John Paul Napoles (56 kgs).

 

Una nang miabante sa semifinal round sila si Nick Angelo Payla, Devon Tejano, Sherwin Villanueva ug Crisaldy Beltran sa miaging adlaw.

Tungod niini, si coach Pamisa miingon nga sigurado na usab nga makadula sa Palarong Pambansa boxing competition karong tuiga ang walo ka mga boksidor sa Team CDO, kinsa pulos mga ‘first-timers’ nga nakasalmot sa usa ka national boxing competition.

(IAF-CIO/photo by Aicy Soriano)