HUGOT ang panawagan sa kagamhanang lokal ubos sa administrasyon ni Mayor Rolando ‘Klarex’ Uy nga magmabinantayon ang katawhan tungod sa taas nga kaso sa Dengue ning syudad.

Basi sa datos sa City Health Office (CHO), mitala og 692 dengue cases o’ 111% nga pagsaka ang Cagayan de Oro kompara sa 327 cases lamang gikan Enero hangtud Hulyo sa tuig 2021.

Gani man, nag-edad og 0 hangtud 97 years old ang natakboyan sa dengue ug daghan niini anaa na sa hamtong nga panuigon.

Samtang mitala usab og 10 deaths ang Cagayan de Oro gikan Enero hangtud Hunyo ning tuiga.

 

Subay niini, naghangyo si City Health Officer Dr. Rachel Dilla sa katawhan ug sa komunidad nga manghinlo sa palibot, ilabina kadtong itloganan sa lamok, ug sundon ang 5S batok dengue kon: ‘Search and Destroy’; ‘Self protection measures’; ‘Seek early consultation’; ‘Support fogging’ ug ‘Sustain hydration’. (ACM/CIO)