NAGMALAMPUSON ang LGU-CDO pinaagi sa City Social Welfare and Development PWD Section ug Persons with Disabilities Affairs Office sa pagduyog sa 44th National Disability Prevention and Rehabilitation week, ning siyudad.

Lakip sa mga kalihokan ang Zumba for a cause, bloodletting activity ug vaccination rollout.

 

 

Miabag sa maong kalihukan isip partners ang MCDONALD's ug JCI BAE Lawanen’s kinsa mipahigayun og gift-giving activity alang sa Children with Disabilities; ang Department of Health Treatment and Rehabilitation Center-Cagayan de Oro City nga mihatag og assistive devices sa pipila ka PWDs ug ang Cagayan de Oro Federation of Persons with Disabilities Association (CAFEDPA) uban sa Differently Abled Women Network (DAWN) nga nangulo og forum kalabot sa Disability Inclusion in Education, Employment, Health and Livelihood nga gisamotan sa kapin 70 ka PWDs.

 

Hugot usab ang suporta sa mga kabaranggayan kinsa misaulog sa ilang tagsa-tagsa ka barangay.

 

Ang tinuig nga kasaulogan subay sa Proclamation No. 1870 (1970), nga gi-amendahan sa Proclamation No. 361 (2000) ug Administrative Order No. 35 (2002) nga gi-isyu niadtong August 19, 2000, nga nagdeklarar sa ikatulong semana sa Hulyo isip ‘National Disability Prevention and Rehabilitation Week’. (NLB/CIO/photos by Reynan Baylin, Rod Constantino/CIO and CSWD PWD Section and PDAO).