IPAHIGAYON ugma’ng adlawa, Hulyo 28, ang workshop alang sa ‘Smarter and Integrated Local Health Information System for Cagayan de Oro City’ (SMILHIS-CDO) nga salmotan sa mga representante sa nagkadaiyang opisina sa kagamhanang lokal sa Cagayan de Oro sa tumong nga mahisgutan ang kalambuan ug ma-presentar ang strategic plan sa programa.

 

Alayon niini mismo si Dr. Dennis Batangan ang project director sa SMILHIS-CDO gikan sa Institute of Philippine Culture School of Social Sciences Ateneo de Manila University ang personal nga mi-imbitar kang Mayor Rolando ‘Klarex’ Uy alang sa nasampit nga workshop.

 

Gawas sa paghatag kortesiya kang Mayor ‘Klarex’ gipresentar usab sa team ang konsepto ug mga ‘challenges’ sa pagpatuman sa SMLHIS-CDO kang acting city health officer Dr. Rachel D. Dilla, acting city health insurance officer Dr. Efren Celeste ug city administrator Atty. Roy Raagas.

 

Gipasabot ni Dr. Batangan nga tumong sa SMILHIS-CDO nga mas mapalambo ang health data system sa syudad ug mahimong ‘interoperable’ ug ‘seamless’ ang health information system sa mga health facilities gikan sa primary health care facility sama sa mga barangay health centers, ngadto sa referral ug apex facility.

 

Pilot health facility sa SMILHIS-CDO ang Tablon health center, Carmen health center, JR Borja General Hospital ug Northern Mindanao Medical Center.

Kahinumduman ang SMILHIS-CDO pormal nga gilusad sa kagamahanang lokal sa Cagayan de Oro niadtong Nobyembre sa milabay’ng tuig. (AGP/CIO/Photos by Isabelle Czarina Soriano & Jerome Jungco/CMO)