NAGPAHIMANGNO ang City Health Office nga ania pa gihapon sa atong palibot ang COVID 19 virus ug busa kanunay maggamit sa face mask ug magpa-booster na.

Kini ang panawagan ni City Health Officer Dr. Rachel Dilla bisan pa man nakasinati ang syudad og pag-ubos sa mga bag-ong kaso sa milabay’ng 2 ka adlaw.

“We just have to learn how to live with COVID….COVID will still be here,” saysay ni Dr. Dilla.

 

Dugang pa ni Dr Dilla nga ang maong virus mahimong susama na lang sa nasinating Influenza apan dili angay kompyansahan sanglit taas pa ang positivity rate ug posible nga maoy hinungdan sa kamatayon.

Busa padayong naghangyo ang kagamhanang local ubos sa administrasyon ni Mayor Rolando “Klarex” Uy pinaagi sa City Heath Office nga sundon ang minimum public health standards, ilabina ang saktong paggamit sa face mask ug kanunay’ng paghugas sa kamot. (ACM/CIO)