GIHINGUSGAN sa Committee on Trade and Commerce sa 20th City Council ang pagpatuman sa minimum public health standards diha sa mga establisemento pinaagi sa pagpahigayon og usa ka tigum sa mga kadagkuan sa Regulatory Compliance Board (RCB), Oro – Trade and Investment Promotions Center ug mga representante sa business sector.

 

Atol sa maong panagtigum, gipahinumduman ni RCB Chairperson Atty. Jose Edgardo Uy ang business sector nga kanunay gihapon ipatuman ang mga gabayan sa dakbayan hilabi na ang pagsuta sa vaccination cards, pagsuot sa face mask, ug paghugas sa kamot diha sa mga lugar nga sarang gidagsa sa katawhan.

 

Gipangulohan ni Kag. George Goking ang maong panagtigum isip Chairperson sa Committee on Trade and Commerce, uban sa mga miyembro niini nga gilangkuban ni Kag. Malvern Esparcia ug Kag. Aga Suan.

Mihatag sa ilang suporta ang mga representante sa business sector nga si Mr. Jeffrey Ang sa Misamis Oriental Filipino-Chinese Chamber of Commerce and Industry, Inc. ug Mr. Stephen Tan sa Cagayan de Oro Filipino-Chinese Chamber of Commerce and Industry sa maong lakang sa lokal nga kagamhanan. (SPPalen/Photos by Reynan Baylin)