Pormal nga mibisita sa buhatan ni Cagayan De Oro City Mayor Rolando ‘Klarex’ Uy ang dakong opisyal sa People’s Republic of China in Davao Consulate nga si Consul General Li Lin ug Consul Chao Jianwei, uban ang pipila ka mga miyembro sa overseas Chinese community ug business sector.

 

Sa maong panagtagbo, nahisgutan ang hugot nga suporta sa lokal nga kagamhanan sa syudad sa padayon nga paglambo sa local Chinese business community isip kabahin sa ‘RISE CdeO’ economic development agenda ni Mayor Klarex.

Tipik usab sa ilang gituki ang laraw pagtukod og China Town dinhi sa dakbayan nga gilaumang makadugang paglambo sa ekonomiya, ingon man turismo sa dakbayan.

 

Misaad ang duha ka Chinese officials nga si Consul General Li Lin ug Consul Chao Jianwei nga mas palig-onon pa nila ang maayong relasyon ug pagtambayayong tali sa syudad ug gobyerno sa China. (AMTB-CIO/photos by Aicy Soriano/CMO)