Misalmot ang 86 ka breastfeeding moms sa pinakaunang face-to-face nga 'Hakab sa Oro' ug milkletting activity nga gipahigayon sa City Nutrition Committee, Agosto 12, diha sa 2nd flr, Event Center, Limketkai Mall, ning siyudad.

Kuarentay dos (42) ka mga inahan ang midonar sa ilang breast milk diin mikabat sa 6,375 mL ang nakolekta nga gatas sa inahan.

 

Atol sa kalihokan, gihisgutan ni Dr. Jessamine Sareno-Ang, kinsa maoy head sa Northern Mindanao Medical Center (NMMC) Human and Milk Bank Lactation Unit ang topiko kalabot sa 'Breastfeeding Support from Pregnancy, Postpartum and Beyond.'

Malipayon usab nga gianunsyo ni Commitee on Health Chairperson City Councilor Dra. Malou Gaane giaprubahan na sa konseho ang 'Milk Code' uban sa paningkamot sa Technical Working Group niini.

Matud ni Dra. Gaane gipaningkamotan karon sa LGU-CDO nga matukoran puhon og 'milk bank' ang JR Borja General Hospital (JRBGH). Nasayran nga ang natigum nga gatas sa maong kalihokan idonar sa mga bata nga anaa sa 'Neonatal Intensive Care Unit' sa JRBGH ug NMMC.

 

Mitambong sa kalihokan sila si City Health Officer Dr. Rachel Dilla; City Health Office Medical Officer III Dr. Ameerah Sani Racman; Department of Health X representative Dr. Elen Santua; City Nutrition Action Officer Nenita F Rabe; Infant and Young Child Feeding (IYCF) Coordinator ND III Caroline Cabunoc; mga personahe sa City Health Office, JRBGH, Cagayan de Oro City Police Office ug Modern Nanays of Mindanao; nurses sa NMMC milk bank ug Department of Education - Division of Cagayan de Oro; mga miyembro sa IYCF EO51 Task Force; mga Barangay Nutrition Scholars, barangay Health Workers ug uban pa.

 

Ang maong kalihokan gipangulohan sa City Nutrition Committee ug gipaluyohan sa Rotary Club Kalayaan, Cagayan de Oro; Rotary Club East CDO; Rotary Club Bay Area; Limketkai Mall; Purple Yam-Puerto ug Julie's Bakeshop nunot sa kasaulogan sa National Breastfeeding Awareness month.

Natapos kini pinaagi sa simultaneous 'hakab' ug paglagda sa mga partisipante ug partners sa pledge of commitment. (NLB/CIO/photos by Roel Felicitas/CIO).