“Makadawat og bag-ong sakyanan nga Fortuner ang matag police station sa dili pa mahuman ang bulan sa Agosto”.

Kini ang gipahibalo ni Mayor Rolando Klarex’ Uy atol sa iyang programa nga ‘Inyong Alagad, Mayor Klarex Uy’ sa Magnum Radyo dili pa lang dugay.

Gawas sa bag-ong sakyanan, gisaad usab ni Mayor Klarex ngadto sa kapulisan nga patas-an ang ilang monthly allowance gikan sa syudad, ingon man ang budget sa krudo.

Regular gadawat og monthly allowance ang matag miyembro sa Cagayan de Oro City Police Office (COCPO) sa dugay na nga panahon isip suporta sa syudad ngadto sa kapulisan.

Lakip sa suporta sa syudad mao ang libre nga krudo sa mga mobile patrol sa matag presinto. .

Apan sa paglingkod ni Mayor Klarex gidugangan niya ang suporta sa COCPO pinaagi sa paghatag og grocery allowance sa mga kapulisan.

Kini nga kalamboan ang gikalipay sa mga sakop sa COCPO diin dako ang ilang pagpasalamat kang Mayor Klarex kay dako na kini og tabang kanila ilabina sa ilang pamilya. (ALR/CIO)