Moabot sa P240,000 nga ganting salapi ang nagpaabot sa mga mananaog sa ‘Basketball Championship Fiesta Cup 2022’ karong umaabot Agosto 24 hangtud Agosto 26 diha sa Corpus Christi gym sa barangay Macasandig ning syudad.

Ang torneyo nga kabahin sa mga dagkong kalihukan sa ‘Higalaay Festival 2022’ gipasiugdahan sa kagamhanan ning syudad ubos ni City Mayor Rolando ‘Klarex’ Uy ug giabagan ni Sangguniang Kabataan Federation President John Michael Seno.

 

Ang champion sa open category makadawat sa ganti nga P75,000, samtang P50,000, P20,000 ug P10,000 usab ang maangkon sa first runner-up, second runner-up ug third runner-up.

Samtang sa elite category, P40,000 ang madawat sa champion ug P20,000, P15,000 ug P10,000 ang maangkon sa first runner-up, second runner-up ug third runner-up.

 

Upat ka basketball teams gikan Stampede-Cagayan de Oro City, Jazzjulo-Misamis Oriental, Inson Lin-Butuan City ug Nobles Catering-Cebu City ang magtigi sa open category, samtang magsangka usab ang teams gikan Cagayan de Oro City, Misamis Occidental, Iligan City ug Gingoog City sa elite category. (IAF-CIO)