ILUSAD karong Huwebes, Agosto 25 sa barangay Tignapoloan ang one-stop shop outreach program ni Mayor Rolando ‘Klarex’ Uy nga gitawag og ‘Klarex nga Serbisyo sa Baryo’.

Tuyo sa administrasyon ni Mayor Klarex nga mapaduol ug mahatud ang mga batakang serbisyo diha mismo sa tugkaran sa mga residente sa syudad, ilabina sa mga lagyong barangay sa Cagayan de Oro.

 

Gibutyag ni Mayor Klarex nga tanang buhatan ug opisina sa city hall ang gilaumang mosaka sa barangay Tignapoloan aron pagtunol sa batakang serbisyo ngadto sa katawhan.

 

Lakip niini ang ‘Kasalan ng Bayan’, tuli, check-up sa mata ug dalunggan, medical ug dental check-up, bakuna sa Covid-19 ug rabies, ID sa senior citizen, PWD, solo parent ug Philhealth, livelihood, agricultural, veterinary ug engineering services, ug daghan pang uban.

 

Ang ‘Klarex nga Serbisyo sa Baryo’ ipahigayon kaduha matag bulan sa kabarangayan sa una ug ikaduhang distrito sa syudad. (AMTB-CIO/infographic by Aicy Soriano/CMO)