IPAHIGAYON sugod ning adlawa, Septiyembre 1, ang 3rd Quarter Social Pension Payout diha sa kabarangayan alang sa mga senior citizens nga regular pensioner ubos sa programa sa Department of Social Welfare and Development (DSWD), inabagan sa lokal nga kagamhanan ning syudad.

 

 

Karong Septiyembre 1, ipahigayon ang payout alang sa Brgy. 1-40 ug Brgy. Carmen, samtang sa Septiyembre 2 kini ipahigayon alang sa Brgy. Patag, Iponan, Camaman-an ug Carmen.

Sa Septiyembre 3, ang payout himoon alang sa Brgy. Canitoan, Bulua, Bonbon, Bayabas, Kauswagan, Macabalan, Indahag, ug Nazareth.

 

Gihangyo ang mga benepisyaryo nga sundon lamang ang schedule, ug kadtong mga barangay nga wala pa migawas ang schedule, i-anunsyo kini sa buhatan sa Office for Senior Citizens Affairs.

Alang sa dugang detalye sa social pension payout, mahimong mobisita lang sa Senior Citizens Affairs - Cagayan de Oro City Facebook page o’ magpadala og mensahe sa numero nga 0997-7909-110 alang sa inquiries. (SPPalen/CIO)