Tungod sa Klarex nga Serbisyo sa Baryo’ program sa administrasyon ni Mayor Rolando Klarex’ Uy, mokabat 124 ka indibidiwal sa Barangay Tagpangi ang nakapahimulos sa serbisyo sa buhatan sa Roads & Traffic Administration (RTA), City Economic Enterprises Department (CEED), East-Westbound Terminal & Public Market (EWTPM), ug City Housing and Urban Development Department (CHUDD) Huwebes, Sept. 15.

 

 

Sa CEED, 15 ka indibidwal ang nagpakisayod aron sila makabaton og puwesto aron makapamaligya sa kamerkaduhan, samtang 91 usab ka molupyo ang nahatagan og mga utanon ug prutas nga gidala sa mga personahi sa EWTPM, ingon man napahibalo sa schedule sa biyahe ug pamilite sa mga public utility vehicles (PUVs) nga anaa nag-terminal sa EWTPM.

 

Naalagaran usab sa RTA ang 12 ka indibidwal nga nagkuha og clearance ingon man nag-settle sa ilang mga kalapasan sa trapiko, samtang unom ka molupyo ang miduol sa grupo sa CHUDD ug nagpakisayod kalabot sa housing program sa syudad.

 

Kini nga pag-atiman ug pag-alagad sa katawhan ang gikalipay ni Mayor Klarex diin iyang gipasalamatan ang tanang mga department managers sa ilang kooperasyon aron mahatod sa Brgy. Tagpangi ang nagkadaiyang serbisyo sa city hall nga napahimuslan sa mga molupyo. (ALR/CIO/Photos by Rod Constantino/CIO)