• You are here:  
  • Home /
  • News and Article /
  • 30 ka bag-ong kinasal sa Tagpangi gipahalipayan og libreng cake, lechon, wine, hotel stay ug bugas
Friday, 16 September 2022 07:31

30 ka bag-ong kinasal sa Tagpangi gipahalipayan og libreng cake, lechon, wine, hotel stay ug bugas

Written by
30 ka bag-ong kinasal sa Tagpangi gipahalipayan og libreng cake, lechon, wine, hotel stay ug bugas
DAKONG kalipay ang gibati sa 30 ka magti-ayon nga molupyo sa Barangay Tagpangi human nakapahimulos sa libreng kasal atol sa mass wedding nga gipangulohan mismo ni Mayor Klarex Uy.
 
May be an image of 5 people, people standing and text that says 'Couple finally get married after 50 years together "Nalipay mi ug nagpasalamat mi kay Mayor Klarex nga nakasal na gyud mi sa kadugayon sa among pag-ipon." Jimmy Tumapon ug Conchita S. Magdale Newlyweds, Kasalan ng Bayan Klarex nga Serbisyo sa Baryo Program Barangay Tagpangi September 15, 2022 intomati city noon f Cagayan de Oro City Information Office'
 
Usa niini si Jimmy Tumapon ug Conchita S. Magdale, kinsa 50 ka tuig nga nag-ipon. "Nalipay mi ug nagpasalamat mi kay Mayor Klarex nga nakasal na gyud mi sa kadugayon sa among pag-ipon," matud pa sa magtiayon. .
Dugang pa sa magtiayon, ang dili pagkadumtanon ug kanunay pagsinabtanay mao ang sekreto sa kadugayon sa ilang kaminyoon.
 
Nasayran nga ang magtiayon adunay 10 ka mga anak ug 46 ka apo. Sila ang giilang pinakadugay nga nag-uban nga magti-ayon, hinungdan nga gihatagan sila ni Mayor Klarex Uy og pahilapay balor og P15,000. .
 
May be an image of 6 people, people sitting and text that says '"Kaninyong mga magtiayon ug tanan nga nagsaksi sa ilang kaminyoon, mao na ang simbolo nga atong sundon nga 50 na sila ka tuig hangtud karon, nagpabilin ang ilang talagsaong gugma." Mayor Klarex Uy Kasalan ng Bayan Klarex nga Serbisyo sa Baryo Program Barangay Tagpangi September 15, 2022 inta informo nformation OFFICI citv f Cagayan de Oro City Information Office'
 
Gani sa ‘Kasalan ng Bayan’, gihimong ehemplo ni Mayor Klarex ang maong magtiayon isip simbolo sa matinud-anong gugma. "Kaninyong mga magtiayon ug tanan nga nagsaksi sa ilang kaminyoon, mao na ang simbolo nga atong sundon nga 50 na sila ka tuig hangtud karon, nagpabilin ang ilang talagsaong gugma."
 
Gipadayag usab ni Mayor Klarex ang kamahinungdanon nga himoong sentro si Kristo sa matag kaminyoon aron kini magdugay ug molungtad. "Bisan kinsa nga tawo, bisan unsa nga minyo, ang usa ka pamilya, ang bugtong nga masaligan nga kinahanglan magbaton kamo ug inyong mahinumduman nga bililhon kaayo sa tagsa-tagsa ka kinabuhi sa usa ka magtiayon ang CHRIST kon Communication, Humility, Respect, Intimacy, Service ug Trust," saysay ni Mayor Klarex Uy.
 
Ang matag magtiayon midawat sa libreng cake, lechon ug wine gikan ni Mayor Klarex Uy, lakip libreng 2-night stay sa usa ka hotel ning siyudad gikan ni Liga ng mga Barangay president Alam Lim ug 5 kilos nga bugas gikan ni City Councilor Roger Abaday.
 
May be an image of 11 people, people sitting and people standing
 
Nagsilbing principal sponsors sila si City Councilors Imee Moreno; Yvy Emano; Ian Mark Nacaya; Dra. Malou Gaane; Girlie Balaba, Jay Roa-Pascual; Roger Abaday; Aga Suan; Romeo Calizo; Suzette Magtajas-Daba ug SK Federation President John Michael L. Seno.
 
Hugot nga suporta usab ang gipakita nila ni Acting City Administrator Atty. Roy Hilario P. Raagas, Punong Barangay Anniecris Sabang sa Barangay Tagpangi ug uban pa. (NLB/CIO/photos by Jomar Figuracion/CIO and Rod Constantino/CIO)
Published in News and Article
back to top