Kini ang gipamulong ni Mayor Rolando ‘Klarex’ Uy atubangan sa mga empleyado, katawhan ug opisyales sa Barangay Tablon pinangulohan ni Kapitan Billy Kid Auza atol sa pagpakayab sa nasudnong bandila sa Tablon covered court, Oktubre 4 ning tuig.

 

Hugot ang pagtuo ni Mayor ‘Klarex’ nga isip mga ‘public servants’ mahinungdanon sa usa ka lider nga makamao sa pagpaminaw sa mga mulo sa katawhan.

 

 

Busa ang personal nga pagtambong niini sa mga ‘flag raising’ sa barangay matag semana nagtinguha aron mapaminaw sa mayor ang mga yangungo ug kahimtang sa katawhan.

Dumduman migahin si Mayor ‘Klarex’ og P10 milyones pesos nga balor sa mga proyekto sa barangay Tablon.

 

Atol sa kahilukan, subling gihingusgan ni Mayor ‘Klarex’ ang adbokasiya niini nga paghatag kasigurohan sa panglawas sa katawhan, diin napatik usab sa ‘RISE CDO’ development agenda sa mayor.

 

Dugang pasabot ni Mayor ‘Klarex’ nga sa dili madugay mabuksan na ang satellite hospital sa JR Borja General Hospital sa Tablon aron maalagaran ang katawhan nga adunay kasilik-an sa panglawas ug makahatag usab og ‘employment opportunities’ sa katawhan sa Tablon.

 

 

Sa maong higayon, mihatag usab ang City Social Welfare and Development og 500 ka mga food packs alang sa mga ‘identified beneficiaries’ sa barangay.

 

Dugang pahibalo usab ni Mayor ‘Klarex’ nga kung adunay mga katuyoan ang katawhan sa Tablon sa buhatan sa CSWD, mahimong moadto lang sa extension office nga nahimutang diha sa Gusa covered court.

 

Dumduman ang pagtukod og lima ka mga CSWD extension office sa mga barangay nagtinguha nga mapaduol ang gobyerno sa katawhan ug ang katawhan duol sa gobyerno.

 

Naglaom usab ang Mayor nga daghan nga mga molupyo sa Tablon ang magpalista alang sa ‘Kasalan ng Bayan’ ug uban pang batakang serbisyo nga gidalit atol sa ‘Klarex nga Serbisyo sa Baryo’ community outreach program.

Lakip mitambong sa aktibidad si ABC President Councilor Yan Lam Lim. (AGP/Photos by Jay Arancon/CIO)