World Health Organization
Department of Health 
MAPASALAMATON ang 381 ka mga biktima sa sunog gikan sa nagkadaiyang barangay sa Cagayan de Oro human midawat og cash assistance nga balor og P10,000 matag usa gikan sa Department of Social Welfare and Development atol sa gipahigayon nga Assistance to Individuals In Crisis Situations kon AICS payout ubos sa inisyatiba ni Senator Bong Go, Oktobre 4, diha sa city hall quadrangle, ning siyudad.
Mismo si Senator Bong Go ang mibisita aron mapabati mismo sa mga biktima nga dili mawad-an og paglaum: "Mga kaigsoonan, sa mga nasunogan, ayaw mo kawad-an og paglaum. Ayaw mo kawad-an og pag-asa. Ang gamit, ato ra nang mapalit, magtinabangay ra ta. Naa mi diri. Ang kwarta, inyo nang kitaon, maningkamot lang ta, pero ang kwartang kitaon, dili nato mapalit ang kinabuhi, a lost life is a lost life forever samtang buhi ta, ayaw mo kawad-an og paglaum, magtinabangay lang ta nga makabalik mo sa inyong normal nga kinabuhi," matud ni Go.
Gawas sa cash assistance, midawat ang mga biktima og libreng Ascorbic Acid, face masks, basketball balls, food packs ug pipila ka pahalipay gikan ni Senator Bong Go sama sa bisikleta, relo, rubber shoes, cellphone ug uban pa. Anaa usab mga hygiene kits gikan sa Department of Health.
Gawas niini, mipahigayon sa assessment ang Technical Education and Skills Development Authority (TESDA) ug National Housing Authority (NHA) alang niadtong mo-qualify sa housing ug Department of Trade and Industry alang sa pangkabuhayan showcase.
Ang maong payout hugot nga gisuportahan ni Mayor Klarex Uy ug Misamis Oriental Governor Peter Unabia. Mitambong sa kalihokan sila si Vice Mayor Bebot Rodriguez; City Councilors Dra. Malou Gaane; Girlie Balaba; Roger Abaday; Romeo Calizo; Malvern Esparcia; Jay Roa-Pascual; Atty. Edgar Cabanlas; Joey Abbu; Suzette Magtajas-Daba; Ian Achas; Liga ng mga Barangay President Alam Lim; Sangguniang Kabataan Federation President John Michael Seno.
Anaa usab sila si Misamis Oriental Board Members Dexter Yasay, Boboy Sabal, Win Militante ug Rey Buhisan.
Ang payout nahimong posible uban sa pagpaningkamot sa mga personahe sa City Social Welfare and Development Department pinangunahan ni Acting CSWD Officer Annie Tongson ug CSWD Community Social and Development Division Head Joan Acraman, lakip mga personahe sa DSWD X.
Kini ang unang payout diin anaa ang mga opisyales sa Misamis Oriental, usa ka pamatuod sa hiniusang gobyerno tali sa Cagayan de Oro ug Misamis Oriental.
Tumong sa AICS DSWD payout ang makahatag og alibyo sa kinabuhi sa mga nasunogan bisan pa man sa ginagmay nga pamaagi. (NLB/CIO/photos by Rod Constantino and Roel Felicitas/CIO)
