Nangulo ang City Social Welfare and Development (CSWD) Persons with Disabilities Section uban ang Deaf Association of Misamis Oriental Inc. (DAMOR) sa pagsaulog sa ‘International Day of Sign Languages’ sa Region 10, kagahapong adlawa (Oktubre 3), diha sa Ayala Centrio Mall, ning siyudad.

 

 

Dul-an 200 ka mga miyembro sa nagkadaiyang deaf organizations, tunghaan gikan sa nagkadaiyang munisipyo ug siyudad sa tibuok Region 10 ang misalmot.

 

 

Atol sa kalihokan, mihatag sa ilang mensahe si City Administrator Atty. Roy Hilario P. Raagas; Vice Mayor Bebot Rodriguez; Committee on Social Services Chairperson City Councilor Girlie Balaba; CSWD Executive Overseer Pastor Dimver Andales; Persons with Disabilities Affairs Office Head Maria Liza Corpuz; HACI Executive Director Dr. Enrique Ampo ug DAWN President Melagros Maquiling.

 

Samtang, gihisgutan usab ni Philippine Federation of the Deaf Mindanao Board Member Agatha Joy Hega-Lacambra ang importansya sa 'sign language' sa panag-hiusa.

 

Gihatagan usab sa bulak ang mga magtutudlo sa children of special needs ug sign language interpreters isip pahinungod sa umaabot nga ‘Teacher's Day’.

 

Ang kalihokan hugot nga gisuportahan ni CSWD PWD Section Focal Person Ma. Cheryl Gacita, CSWD Social Welfare Officer III Meriam Caducoy ug uban pa.

 

Kini gipaluyohan sa Department of Health (DOH), Ayala Malls, Philippine Federation of the Deaf, Inc. ug Technical Education and Skills Development Authority (TESDA).

 

Natapos ang kalihokan pinaagi sa pagpasundayag sa mga deaf groups sa ilang talento sa pagsayaw nga giagi sa usa ka contest. (NLB/CIO/photos by Reynan Baylin/CIO)