MIKABAT sa 343 ka mga indibidwal ang nahatagan og dakong oportunidad nga makatrabaho sa usa ka ‘cruise ship’ isip mga ‘Hired-On-The-Spot’ o’ HOTS human gipahigayon ang usa ka ‘special recruitment activity’ nga gipangulohan sa Job Placement Bureau – Public Employment Service Office ug COSTA.

 

 

Ang 2-day COSTA Special Recruitment Activity gipahigayon diha sa Robinsons Mall niadtong Septiyembre 30 hangtod Oktubre 1 diin mikabat sa dili moubos 840 ka mga job applicants ang misalmot sa maong kalihukan.

Nasayran nga ang mga aplikante gilangkuban sa mga residente sa dakbayan sa Cagayan de Oro ug kasikbit nga mga munisipyo ug probinsya.

 

Padayon ang mga recruitment activity sa JPB-PESO diha mismo sa ilang buhatan ubos ni PESO Manager Kathleen Kate Sorilla alayon sa development agenda ni Mayor Rolando ‘Klarex’ Uy diin gihatagan og dakong pagtagad ang natad sa labor and employment. (SPPalen/CIO)