MAPASIGARBUHON ang LGU-CDO pinaagi sa City Civil Registry human gipasidunggan si City Civil Registrar Evangeline Tapangan isip ‘2021 Top 1 Best Innovative Local Civil Registry Office (LCRO)’ sa nasud ug ‘2021 Top 4 Best Performing LCRO in Super Extra Large Category in the Philippines’ atol sa 2nd National Convention on Civil Registration and Vital Statistics uban sa temang, "Improving Civil Registration and Vital Statistics Implementation Strategies through Digital Information" nga gipahigayon, Oktubre 6-7, sa Sofitel Philippine Plaza, Manila.

 

Kini ang unang higayon nga nakab-ot sa siyudad ang pasidungog nga '2021 Top 1 Best Innovative LCRO', samtang ikaduhang higayun sa maong buhatan diin kini nalakip sa ‘Top Best Performing LCROs’.

 

Uban ni Tapangan nga mitambong sa maong kalihokan ang iyang mga personahe nga sila si Information Technology Officer II Earl Cebedo ug Administrative Assistant I Lawrence Cagalitan. (NLB/CIO/photos courtesy of CCR)