Dugang 299 ka benepisyaryo gikan sa 16 ka relocation sites ning syudad ang bag-ohay lang nakaangkon og entry pass ubos sa administrasyon ni Mayor Rolando `Klarex’ Uy pinaagi sa inisyatibo sa City Housing & Urban Development Department (CHUDD).

 

 

Kini nga mga relocation sites mao ang Calaanan sa Brgy. Canitoan, Brgy. Pagatpat, Brgy. Lumbia, Brgy. Balubal, ug Brgy. Indahag nga mga lugar.

 

Gibutyag ni Atty. Joeffrey Namala, acting head sa CHUDD, nga moabot na sa 461 ka mga benepisyaryo ang nakadawat sa ilang entry pass ubos sa administrasyon ni Mayor Klarex.

 

Prayoridad nga mahatagan sa ilang entry pass ang mga benepisyaryo aron maproseso na usab ang pagpakutay sa tubig ug linya sa kuryenti nga maoy usa sa batakang panginahanglanon sa mga molupyo sa housing program sa syudad.

Tungod niini, gidayeg ug gipasalamatan ni Mayor Klarex ang CHUDD ilabina si Atty. Namalata tungod sa paspas nga pag-atiman sa mga benepisyaryo nga makaangkon ug makapahimulos sa maong programa. (ALR/CIO/Photos from CHUDD)