Gipailawom sa masubsob nga pagbansay ang upat ka mga saligandong boksingero sa Cagayan de Oro City Amateur Boxing Team ubos sa giya ni Coach Elmer Pamisa isip pagpangandam sa usa ka international boxing competition didto sa nasud sa Spain karong katapusan ning bulan sa Oktubre.

 

Ang upat ka boksingero nga sila si Ronel Suyom, Eljay Pamisa, John Paul Napoles, ug Crisaldy Beltran anaa karon sa Rizal Memorial Sports Complex didto sa Vito Cruz, Manila ug gitakdang mobiyahe padulong sa Baguio City alang sa high-altitude training.

 

Sila ang mo-representar sa Team Philippines sa umaabot IBA Youth World Boxing Championship nga pagadulaon didto sa Lanucia , Spain sugod karong Oktubre 30, 2022. (IAF-CIO/Photo courtesy of Coach Elmer Pamisa)