Dili mominos 53 ka former rebels (FRs) nga na-enroll sa Enhanced Comprehensive Local Integration Program (ECLIP) sa syudad ang gipailawom sa orientation alang sa livelihood program ug uban pang mga serbisyo pinaagi sa mga partner agencies nga gipahigayon sa Oro Kalandang “Peace” Center, Miyerkules, Oktubre 12, 2022.

 

Ang mga partner agencies mao ang Department of Social Welfare and Development-Sustainable Livelihood Program (DSWD-SLP), Cagayan de Oro Technical Vocational Institute (CDO-TVI), City Social Welfare & Development Office (CSWD), ug ang Agricultural Productivity Operations Office (APOO) nga maoy motabang ug moalalay sa mga FRs sa ilang livelihood.

 

Si Norhidaya H. Hadji Sarip, head sa ECLIP Section sa CSWD, namahayag nga human sa orientation gisundan kini sa interview ug Livelihood Need Assessment.

 

Ang Sustainable Livelihood Program pinaagi sa Livelihood Financial Assistance nga balor sa kapin usa ka milyon ang i-award ngadto sa 53 ka FR beneficiaries diin matag usa kanila makadawat og P20 mil, dugang ni Hadji Sarip.

Samtang, dako usab ang kalipay ni Hadji Sarip tungod kay nasulod ang 53 ka FRs nga gi-endorsed sa ECLIP Committee nga gipangulohan ni Mayor Rolando `Klarex’ Uy ngadto sa DSWD-SLP. (ALR/CIO/Photos from ECLIP)