GIAWHAG ang katawhan sa dakbayan sa pagdonar og limpyo nga 'underwear,' tuwalya ug sinina alang sa mga 'stranded clients' nga kasamtangan nagpuyo sa temporary shelter nga gidumala sa City Social Welfare and Development Department.

 

I-katergorya lamang ang imong donasyon kung kini pambata, pang-dagko ug pang-babae o’ panglalaki.

 

Pwede ninyo kining idiretso og padala sa buhatan sa CSWD sa city hall o’ pwede usab sa Women Development Center sa Macanhan, Carmen, ning siyudad.

 

Abri ang buhatan sa CSWD sa City Hall, matag adlaw gikan alas 8:00 sa buntag hangtud alas 5:00 sa hapon, samtang ang Women Development Center abri matag adlaw lakip weekend ug pwedeng modawat sa maong donasyon hangtud gabii.

 

Gamiton usab kini 'for future use' alang niadtong masunogan.

 

Alang sa dugang kasayuran, mahimong tawagan ang contact person ug social worker nga na-assigned niini nga si Rowena Palarca sa numero 0935- 9887-808. (NLB/CIO/Infographic by CSWD)