Gihingusgan sa mga kadagkuan sa Roads and Traffic Administration (RTA) nga mas mapalig-on ug mahan-ay ang ilang mga plano ug programa nga ilang ipatuman aron matubag ang nagkadaiyang isyu ug concerns kalabot sa problema sa trapiko.

 

Si Engr. Nonito Oclarit, Dep’t Manager sa RTA, mipasabot nga pipila sa nahisgutan atol sa ilang regular nga panagtagbo ang kalabot sa traffic management, ingon man ang mga pamaagi ug solusyon subay sa RISE CDO Agenda ni Mayor Rolando `Klarex’ Uy.

 

Alayon niini, gihisgutan sa komitiba ang nagkadaiyang mga sugyot aron maaksyonan ug matubag ang mga problema ug kalapasan sa trapiko ingon man ang mga plano ug programa.

Naglaum si Engr. Oclarit nga mapatuman kini sa dili madugay aron matubag ug mahatagan og kaarangan ang problema sa trapiko ning syudad. (ALR/CIO/Photos from RTA)